坐月飲料
生完之后,身體會大量出汗,朋友介紹可以喝桑寄生紅棗水.但剛出產房,產區的護士就交帶先不要吃紅棗\黑木耳之類的東西.婆婆送來的一大壺寄生紅棗水也不得不倒掉.
后來想到喝炒米水.
炒米茶比開水有益,有米氣落肚，可以暖胃。生完就飲得架啦。做法好簡單架：將 d 乾米用白鑊炒到佢黃色，可以一次炒多 d 放入個玻璃樽度存放都得。每次飲時都可以用個煲仔放一手份量既炒米，加一片薑，再加水(濃淡隨意)，滾左就可以倒入暖壺度口喝囉黎就得架了。紅米一樣可以炒黎飲用，但味道如何就未試過。纖維質同營養價值比白米仲高 d 添，相信係可以減少便秘既問題。
白鑊既意思係乾爽既鑊將佢燒熱，咩都唔加既意思。並唔係指白色既鑊！用咩鑊都得架啦，最主要唔可以濕同落油咁解
其實都可以飲水，但唔好飲得太多就唔大問題。
另外，可以隨意加 d 紅棗(十二朝前唔好太多粒)、龍眼乾(即桂圓肉)、杞子、黨參(十二朝後)一齊煲黎飲都得架。
黑糯米酒可以益氣補血，都係會行血架，所以十二朝前主要用黎調味.等到惡露去淨後就可以直接飲少少黎補身。另外做雞酒都係好好架，同埋唔洗一定要坐月先飲得，往後我地 "m" 黎完都可以飲少少黎補補身補補血都唔錯架！
除左飲水外，仲可以飲下湯、熱奶，呢 d 都係水份黎丫。
坐月唔好飲白開水,要以代茶來代替水係因為飲白開水的話，會有水腫的問題.用炒米、果皮、南棗同龍眼肉來泡水，代替水來飲，咁就唔怕水腫，面色又會好d喎。至於紅棗唔好咁快用，因為紅棗的糖粉太高，同埋好燥。係中醫既角度，媽咪生完 bb 後個胃會較寒，容易會有口淡淡，飲白開水會令媽咪 "反口水" 既感覺。傳統 d 就話會令腸胃、子宮等下垂，阻礙產後復原……而飲各類既代茶，的確係比無乜特別營養既白開水來得有益得多，係坐月呢段媽咪身體最弱既時期揀 d 有營既野黎飲，吸收既程度係會相對提高
利賓納、葡萄適查實都可以飲，但唔好沖得太凍，對腸胃唔好。同時佢地糖份較高，飲得多可能唔係太好。簡唔中飲下就無壞既…
坐月期間千祈唔好掂生水 (指無煲滾既水).咁平時抹面洗手咁點呢？可以用薑水 (刷牙除外！哈~)。
做法亦係非常簡單：只須拍扁幾舊大薑，放入一大盆水度煲滾就得架啦！可以攤凍放入廁所度作平時抹手抹面用，唔洗擔心話凍既有冇問題，你試過就知好奇妙架啦，凍既薑水用完都會興合合架！
都可以用薑皮黎煲水用，一手執薑就未必夠一日用，起碼都要 2~3手執既份量就差唔多。同埋建意將 d 薑皮放入湯袋後先煲，否則煲完要花 d 工夫先囉到 d 水黎用～～
用薑皮煲水確實係物盡其用，但相比之下當然拍扁幾舊大薑黎煲水會方便 d 。
用咩器皿黎裝水沖身都無咩所謂，用盆沖 d 薑就會見洗 d， 好似以前 d 人咁用個 "不" 黎淋身同用毛巾黎洗刷皮膚就 ok 。
坐月要食 d 咩?最緊要均衡，涼性既瓜果菜少食。
煮時就要注意：
1. 作法為蒸、燉、烚最好，清淡得黎亦可保原汁原味。
2. 用麻油代替普通油，極少用鹽，糖用紅糖(即食豆腐花時加果 d 糖)，同埋薑黎調味。其他既盡量唔好用了。
3. 肉類為瘦肉、無肥膏既豬肉、雞肉、魚肉 (桂花、鱸魚、鯇魚都 ok)，但牛肉就最好到第三個星期後先好食了。
十二朝前：
最緊要清淡，可以煮黑木耳 (或普通木耳都 ok)，可以幫助排清惡露。用黎一齊蒸豬肉、雞肉等都得。
薑同紅棗都可以用，但唔好用太多，十二朝後先慢慢加份量
五更飯
"五更飯" 即係以前既早飯，係清晨時份 (即第五更-5~7點) 所食既飯而已。
以前無錢買補品補身，但一起身食到碗飯係可以增強氣力、幫助身體吸收營養，可補中氣的。同埋早餐食飯,可以好好奶水.
用料真係好平民化架，但奇在可以好補身！同食隻雞既效用可比美！
材料：蛋、薑茸、豬肉，頭 2 個星期可另加入木耳。
煮飯同一般煲飯既方法就得，仲意既加麻油炒佢 2 炒又得！
材料既份量因應個人須要而自行調較。
最主要係一起身後食到呢碗飯，就既可補身又可補氣。
至於減肥呢個問題…… 留到坐完月打好個身體機能後先再唸囉！呵呵呵呵~~~~
五更飯唔係一定要落蛋嘅，如果唔想加既都可以唔落。而用麻油代替生油，一黎麻油有益 d 健康 d，同時佢既成份係可幫助子宮收縮同產後復原
幾款坐月主食
紅糖粥
紅糖 = 食豆腐花時所落既糖，有活血祛瘀既作用，所以產後 頭 2 個星期食用就最巖不過。
只須好似平時咁煲白米粥，滾後加入紅糖拌勻就 ok 了。
桂圓粥
將桂圓(即龍眼乾)與白米同煲成粥即可！
黑豆飯
黑豆於白鑊中炒至豆皮稍為爆裂時贊下清水，煮15分鐘後撈起於白米一同煲熟即可。唔須要額外去皮的
母乳喂養的媽媽要注意了
餵人奶係可以飲雞酒\糯米酒等嘅酒類，不過就最好安排係喂完 bb 後先飲，同埋相隔下一餐飲奶既時間最好要 3~4個鐘左右。但亦須要留意BB的反應，如面紅紅、面出粒粒、大便困難等，咁就要減少飲用既份量或停一停啦。
順產,剖腹產
剖腹產一樣可以系頭一個月補，不過要清補，唔可以太早食用會行血既食品，最好要過二十朝後先開始慢慢加入。
查實產後補身唔係只係得坐月內果一個月時間，有心補係可以補至 100 朝架，之後先成定局。所以，唔須要心急丫。最緊要個傷口埋得靚 d，好得七七八八後先再攪好個身子都唔遲。否則個傷口攪得唔好之餘又拖遲左補身既時間就唔好嘛。
此坐月飲食表以一共四十朝為期，共分休養期、進補期、大補期及滋補期。
餸菜均以少鹽、紅糖(或白糖)、麻油、適量黑糯米酒等來調味，以烚、蒸及炆煮來烹調，不宜太味濃及油膩。而湯品以隔水清燉及煲來烹調。
．肉類以瘦肉、少肥油豬展肉、魚肉、雞柳肉或雞胸肉為主，而原雞隻或冰鮮雞食用前必須先去皮、去肥膏、去頭尾及去清內臟(烏雞則不須去皮)
．飯類可以糯米、紅米、糙米來代替白米；另亦可進食通粉、米粉、面線等。
．燉品湯水在日間進食較易吸收，而養生甜品則在夜間進食效果會更好。
．飲品主要以代茶為主較好，能較易被腸胃吸收有關調理身子的功效。而水份、熱奶或熱豆漿亦都可以飲，勿一次過飲太多避免腸胃下垂，以適可而止為佳。
．產後一星期不太適宜進食水果，如真的想吃的話，可選擇木瓜、提子。
．各湯水甜品等可自行加入燕窩、雪蛤膏、沙參、淮山、玉竹、花膠等滋陰潤燥的材料。
．而當歸、鹿茸、人參、鹿尾羓等呢類補品均須過四十朝後進食會較好，開刀媽咪則再延遲至產後二個月進食較佳。而進食次數亦不宜太密，一個月吃一至兩次就足夠了。
．坐月期間最好以少吃多餐，一日五至六餐最適宜。
．十二朝前最緊要清淡，餸菜可配以黑木耳(白背黑木耳功效最好，而普通木耳尚都可以)同煮，能幫助排清惡露，但不可過量。
．煮食時須注意均衡營養的吸收，最好能做到青、紅、黃、白、黑之五色蔬果均俱全。
開刀生產的媽咪須額外注意
1. 最好過二十朝後才開始進補，慢慢增加行血壯血食物的數量，例如：紅棗、薑、黨參、薑醋等。
2. 薑茸炒飯最好過二十朝後才開始進食
3. 大補期內既牛肉全以豬肉替代
十二朝前可以清燉雞湯來補身，可以陳皮代替薑片；另不應飲用生魚湯，以免肉芽增生
餵人奶媽咪注意
1. 不想飲食魚類來增奶量，可另外選擇木瓜、花生或通草來配章魚、蓮藕來煲湯。
2. 亦都可以食雞酒，最好安排在餵完BB後才進食，但亦須要留意BB的反應，如面紅紅、面出粒粒、大便有沒有困難等，則須相隔三至四小時後才再餵哺。
3. 食得太鹹會容易回奶，亦會令媽咪水腫難消。
因每位媽咪體質不同，如食了某類湯飲食物後
1. 發覺惡露回流、流量增多或變回鮮紅色，則可能導致行血，便要留意了，須暫停食用某類食物，待過後才再烹煮飲用。
出現失眠、生飛滋、喉嚨痛、口乾等，則可能過燥，須改為進食較滋潤的湯飲食品了
媽咪們生產後，是身體組織一個大規模的新陳代謝、重整既時期，所以越早開始調補就越好，
如能好好把握調理，進補得宜，是可以令身體復原得更好更健康。故最好調理至四十朝，如有心補身調理是可以補至一百朝的。
休養期《平補、排惡露》適合產後頭五天
注意：剛生完後體質較虛弱，腸胃亦均須休息，故餸菜以清淡自然平補調理為主，暫不可進補。
《一》早餐 紅糖粥 / 桂圓粥 / 五更飯(以於清晨時份吃最能吸收及補氣)
《二》湯品 清燉桂圓烏雞 / 桂圓蓮子木耳湯 / 木瓜花生湯 / 花膠椰肉燉雞
《三》餸類 南瓜炒肉絲 / 梅菜清蒸鱸魚 / 蓮藕花生炆雞柳
《四》飯類 黑豆飯 / 麻油薑茸炒飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 炒米茶 (可配以桂圓、杞子或去核紅棗同煲，但紅棗數量暫不可太多粒)
《七》甜品 紅糖蓮子百合糖水 / 紅糖桂圓紅豆沙 / 雪耳燉木瓜
休養期《平補、去瘀血、防風寒》適合產後第六天至十天
注意：腸胃將慢慢適應，但餸菜最好仍以清淡為主，只能清補，尚未能大補。
本休養期主力去清瘀血，強身抗風寒。
《一》早餐 紅糖粥 / 桂圓蓮子粥 / 五更飯 / 花膠紅米粥
《二》湯品 淮山杞子桂圓燉花膠 / 蓮子合桃煲瘦肉 / 南棗桂圓燉烏雞
《三》餸類 金針黑木耳蒸桂花魚 / 栗子紅腰豆炆蓮藕 / 冬菇瑤柱蒸雞
《四》飯類 麻油薑茸炒飯 / 陳皮紅棗蒸雞焗飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 益母草紅糖水 / 桂圓南棗薑汁茶 / 沙參黑豆南棗茶
《七》甜品 芝麻糊 / 花生紅棗糖水 / 杞子桂圓紅糖煲鵪鶉蛋
進補期《溫補、補血潤腸胃》適合產後第十一天至十五天
注意：可以開始以白糖、冰糖來代替紅糖。
此進補期開始溫補，以幫助消化及排便機能的恢復，但不宜太燥。
《一》早餐 桂圓蓮子粥 / 五更飯 / 花膠紅米粥
《二》湯品 黑豆合桃煲瘦肉 / 蓮藕章魚紅豆湯 / 黨參桂圓燉豬展
《三》餸類 金針雲耳蒸雞 / 陳皮紅豆炆鯇魚 / 桂圓肉煎蛋
《四》飯類 麻油薑茸炒飯 / 菠菜蕃茄雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
進補期《溫補、壯腰補腎》適合產後第十六天至二十天
注意：此進補期以溫補，主力補腦固腰腎。
《一》早餐 南瓜肉絲通粉 / 花膠紅米粥 / 瑤柱花生魚片粥
《二》湯品 紅棗桂圓蓮藕湯 / 木耳豬潤紅棗湯 / 蓮子百合南棗煲豬展
《三》餸類 花生炆豬手 / 栗子紅腰豆炆雞柳 / 麻油雞酒 / 豬腳薑
《四》飯類 麻油薑茸炒飯 / 菠菜蕃茄雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參蓮子合桃茶 / 桂圓南棗薑汁茶 / 紅棗杞子茶
《七》甜品 合桃芝麻糊 / 杞子紅棗煲雞蛋 / 薑汁桂圓蕃薯糖水
《八》水果 木瓜、提子、龍眼、西梅、桃類
大補期《養血、大補元氣》適合產後第二十一天至二十五天
注意：大補期可慢慢開始大補強身、行補氣血。
《一》早餐 薑片南瓜粥 / 冬菇紅棗魚片粥 / 紅棗桂圓雞粥
《二》湯品 黨參紅棗桂圓燉雞 / 菠菜豬潤湯 / 淮山杞子紅棗燉烏雞
《三》餸類 淮山猴頭菇炆豬展 / 黨參紅棗杞子蒸桂花魚 / 百合牛肉炒蜜豆 / 豬腳薑
《四》飯類 麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 薑汁木瓜水 / 沙參紅棗杞子茶
《七》甜品 薑汁花生湯丸 / 陳皮桂圓栗子糖水 / 蓮子百合紅豆沙
《八》水果 木瓜、提子、龍眼、西梅、桃類、荔枝、榴槤
大補期《養血、大補元氣》適合產後第二十六天至三十天
注意：大補期可慢慢開始大補強身、行補氣血。
《一》早餐 薑片南瓜粥 / 花生紅棗肉粥 / 蠔鼓豬潤粥
《二》湯品 薑片紅棗牛肉湯 / 杞子椰肉燉雞 / 猴頭菇花膠煲豬展
《三》餸類 冬菇栗子炆雞柳 / 黨參杞子蒸排骨 / 麻油雞酒 / 豬腳薑
《四》飯類 麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參紅棗桂圓茶 / 沙參紅棗杞子茶 / 紅棗合桃茶
《七》甜品 南北杏冰糖雪耳燉木瓜 / 薑汁芝麻花生湯丸 / 杞子紅棗桂圓煲鵪鶉蛋
《八》水果 木瓜、提子、龍眼、西梅、桃類、荔枝、榴槤
備註： 1) 準備彌月用品：紅粉、雞蛋、碌柚葉
2) 三十朝滿月：須用碌柚葉沖涼後(即洗酥)才可拜祖先，而拜祖先食物有雞酒、豬腳薑及
紅雞蛋
滋補期《養血補氣》適合產後第三十一天至三十五天
注意：經過大補期的行補氣血後，滋補期的作用就是潤燥養血
《一》早餐 桂圓蓮子粥 / 南瓜粥 / 瑤柱花膠粥
《二》湯品 黨參紅棗桂圓燉烏雞 / 淮山杞子椰肉燉花膠 / 木瓜花生魚尾湯
《三》餸類 冬菇肉絲蒸鱸魚 / 金針雲耳蒸雞 / 百合牛肉炒蜜豆
《四》飯類 麻油薑茸蛋炒飯 / 冬菇雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參蓮子合桃茶 / 沙參紅棗杞子茶 / 桂圓杞子茶
《七》甜品 南北杏冰糖雪耳燉木瓜 / 薑汁芝麻花生湯丸 / 冰糖沙參玉竹煲鵪鶉蛋
《八》水果 木瓜、提子、龍眼、西梅、桃類、哈蜜瓜、車厘子
滋補期《益脾、滋陰潤肺》適合產後第三十六天至四十天
注意：經過大補期的行補氣血後，滋補期的作用就是潤燥養血
《一》早餐 可以回復平時以各款三文治、麵包、麥皮、粟米片等作早餐
《二》湯品 沙參玉竹燉烏雞 / 淮山杞子椰肉燉花膠 / 木瓜紅棗鯇魚尾湯
《三》餸類 桂圓肉煎蛋 / 鮮茄南瓜燴豬扒 / 香菇青椒雞粒扒豆腐
《四》飯類 薑醋飯 或 白米飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 南北杏木瓜水 / 沙參桂圓茶
《七》甜品 南北杏冰糖雪耳燉木瓜 / 蜜棗桂圓燉木瓜 / 沙參蜜棗煲雞蛋
《八》水果 木瓜、提子、龍眼、西梅、桃類、哈蜜瓜、車厘子
| 
