偶爾看到這些童謠，覺得好親切，都是小時候長輩給念的，保存下來，念給睿聽，讓睿以后再念給她的孩子聽...
月光光，照地堂，年卅晚，摘檳榔，檳榔香，摘子姜，子姜辣，買（胡辣、菩達、蘿卜），（胡辣、菩達、蘿卜）苦，買豬肚， 豬肚肥，買牛皮，牛皮薄，買菱角，菱角尖，買馬鞭，馬鞭長，起屋樑，屋樑高， 買張刀，刀切菜，買籮蓋，籮蓋圓，買只船，船無底，浸死兩個番鬼仔，一個蒲頭，一個沉底。
凼凼轉，菊花圓，炒米餅，糯米團。亞媽叫我睇龍船，我唔睇，睇雞仔，雞仔大，拎去賣。賣得幾多錢？賣得三百六十五個仙，得來買膏又買鹽。
點蟲蟲，蟲蟲飛，飛到荔枝基，荔枝熟，摘滿屋，屋滿紅，陪住個細蚊公。
賣懶，賣懶，賣到年卅晚，人懶我唔懶。
落雨大，水浸街。阿哥擔柴上街賣，阿嫂出街著花鞋。花鞋花襪花腰帶，珍珠蝴蝶兩邊排。
賴尿蝦，炒冬瓜，炒吾熟賴阿媽。
人之初，狗虱多，狗虱唔咬我，專咬先生兩公婆。
肥佬肥騰騰，買舊豬肉去拜神，行到半路屎弗痕，返到屋企沒曬人，打開個痰盥有敵人，肥佬只好做難民！
四眼哨牙突下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番下。
蘿卜頭
蘿卜頭，點豉油，點得多，咸過頭，點得少，淡謀謀。佢以為，好正斗，點不知，俾人踢羅柚，一踢踢到西門口。
排排坐
排排坐，吃果果，貓衣擔凳比姑婆坐，坐爛個屎忽，唔好賴我，賴番隔離個二叔婆
斗柑
“篾”開柑，數柑核，邊個核多就邊個贏，吾準手賴就甘縮骨。
拍大骳
拍大骳，唱山歌，人人話我無老婆，嘀起心肝娶返個，有錢娶個嬌嬌女，無錢娶個豆皮婆，豆皮婆，食飯食得多，屙屎屙兩籮，屙尿沖大海，屙屁打銅鑼。
凼凼轉
凼凼轉，菊花圓，炒米餅，糯米團，阿媽叫我睇龍船，我吾睇，睇雞仔，雞仔大，摞去賣，賣得幾多錢？賣得三百六十五個仙。
猜呈沉
呈沉剪，呈沉包，呈沉糯米叉燒包。老鼠吾食香口膠，要食豆沙包。
伏壘壘
一就預備，二就壘埋，三就開盤，四就嚟到，彭到算數。
捉大賊
點指兵兵，點著誰人做大兵，點指賊賊，點著誰人做大賊。
估手指
估手指，要估中，邊個吾中，就吾中用，褲浪底見個窿。
點蟲蟲
點蟲蟲，蟲蟲飛，飛到荔枝基，荔枝熟，摘滿屋，屋滿紅，陪住個細蚊公。
騎牛牛
騎牛牛，牛牛走，牛牛響前咪回頭，若然回頭就打籮柚。
打波子
大眼雞，咸魚頭，你屙尿，吾洗手。
咕碌咕碌
咕碌咕碌一，咕碌咕碌二，咕碌咕碌三，準備開炮打敵人！
跳橡筋
董存瑞，十八歲，為國犧牲炸堡壘，炸到堡壘咯咯脆，全國人民流眼淚。
碌銅仙
碌銅仙，打銅錢，全憑眼界手出變，叮響銅錢俾個仙。
打泥炮
打泥炮，泥炮響，吾使揸槍上戰場。
飛麻鷹
折紙機，麻鷹飛，飛來飛去吾落地，麻鷹有條尾。
踩腳趾
咚啄，酸姜，你阿嬤，纏腳娘。
趿跛跛
趿跛跛，跳跳腳，咚咚咚，上跳下跳似麻雀。
撞跛腳
趿跛跛，跛佐蹄，無米煮，煮泥沙，無屋住，住樓梯，樓梯有只鬼，嚇到你鉆落床下底。
頂手掌
伸長手，頂手掌，死人都要頂硬上，依牙崩哨就貓甘樣。
劈友
劈友，劈友，快嘀走，走得快，好世界，走得磨，無鼻哥。
斗遠
斗遠掟石頭，因住咪甩手，石頭最無眼，掟親吾好眼淚流。
掟磚頭
掟磚頭，斗大夠，一掟掟到西門口，濺起浪花拋浪頭。
撈魚仔
花手巾，真引人，基邊撈魚好過癮，一兜一條好手運，千其吾好牟（蹲）到頭暈。
黐塘尾（蜻蜓）
黐塘尾，塘尾飛，飛到菜田基，田基有條蛇，嚇親你兩仔爺。
落雨大
落雨大，水浸街，阿哥擔柴上街賣，阿嫂出街著花鞋，花鞋花襪花腰帶，珍珠蝴蝶兩邊排。
落雨微微
落雨微微，水浸田基，田基有條蛇，嚇親大老爺，大老爺有支槍，嚇親大姑娘，大姑娘有粒糖,，嚇親國民黨。
點蟲蟲
點蟲蟲，蟲蟲飛，飛到荔枝基，荔枝熟，摘一仆，荔枝生，摘一藍
曖姑乖
曖姑乖，嫁后街，后街有鮮魚鮮肉賣，又有鮮花戴，戴吾曬，擺落床頭卑老鼠拉，拉拉拉，拉去大新街，大新街又有個扯皮鞋，扯下開，又扯下埋。
咬蔗須
咬蔗須，要睇毛，短毛輸，長毛贏，無毛吾算數。
月光光
月光光，照地堂，蝦崽你乖乖睡落床，天朝阿媽要捕魚蝦羅，阿爺看牛要上山坡
哦哦哦......
阿崽你快高長大羅 幫手阿爺去看牛羊
哦哦哦......
月光光，照地堂，蝦崽你乖乖睡落床，聽朝阿媽要捕魚蝦羅！ 阿嫲織網要織到天光
哦哦哦......
蝦崽你快高長大羅 “橙”艇“殺”網就更在行
哦哦哦......
月光光，照地堂，年卅晚，摘檳榔，檳榔香，買子姜.子姜辣，買菩達.菩達苦，買豬肚.豬肚肥，買牛皮.牛皮薄，買菱角.菱角尖，買馬鞭.馬鞭長，起屋梁.屋梁高，買張刀.刀切菜，買鑼蓋.鑼蓋圓，買只船，船沉底，浸死兩個番鬼仔，一個浮頭，一個沉底，一個摸慈菇，一個摸馬蹄。
肥藤藤
肥藤藤，腳震震，買舊豬肉去拜神、行到半路PagPag痕，去到神廟四圍藤，返到屋企口痕痕，食完豬肉變瘟神。
肥佬肥藤藤，買舊豬肉去拜神，行到半路屎忽痕，翻到屋企冇曬人，打開痰罐有敵人！
畫烏龜
乞兒仔，畫烏龜，一人一筆咪亂嚟，最后果個人衰仔！
煮飯仔
煮飯仔仔先落米，風爐透火柴對齊，千其唔好咁拿西，我哋係細蚊仔。
打馬仔
一人騎角馬，兩人騎豬乸，三步要埋頭，撞到面就打。
斗辣椒
紅辣椒，綠辣椒，平時你镲嘴藐藐，今日你無膽同我撩。
放臭屁
鬼叫你甘貪心，聞佐我個屁，索入佐個鼻，我要你賠返二兩四。
味水底
味水底，摸泥沙，摸到泥沙當金龜，摸吾到系契弟。
鉆臺底
陳德貴，住得矮，床下底有只鬼，嚇到佢鉆臺底。
扯大纜
一二三，三二一，肥婆跳舞頂第一！
“雪”滑梯
細蚊仔，雪滑梯，因住跌落嚟，咪學陳德貴，成日流鼻涕，跌親個籮柚唔好睇。
過天梯
過天梯，蝦矮仔，人在云東過到西，唔怕米貴就最怕矮。
做大戲
黑面李逵，紅面關公，三國水滸亂曬龍，打敗清兵系英雄。
彈象棋
打棋子，靠眼屎，全憑眼界靠本事，唔好睇錯認夠屎。
雞公仔
雞公仔，尾彎彎，做人新婦甚艱難。早早起身都話晏，眼淚唔干入下間。下間有個冬瓜仔，問過安人煮定蒸。安人話煮，老爺又話蒸，蒸蒸煮煮唔鐘意。大喳嚹鹽佢話淡，手甲挑鹽又話咸。三朝打爛三條夾木棍，重話：咁好花裙畀妳跪到爛，咁好石頭畀妳跪到崩。橫又難，直又難，不如舍命落陰間。人話陰間條路好，我話陰間條路好艱難。
|
